இன்று முதல் நாடு முழுவதும் உள்ள லங்கா சதொச விற்பனை நிலையங்களில் ஆறு அத்தியாவசிய பொருட்களின் விலைகள் குறைக்கப்பட்டுள்ளன.
நுகர்வோரின் செலவுச் சுமையை குறைக்கும் நோக்கில் இந்த விலைத் திருத்தம் நடைமுறைப்படுத்தப்பட்டுள்ளதாக லங்கா சதொச தெரிவித்துள்ளது.
லங்கா சதொச சந்தைப்படுத்தல் முகாமையாளர் இஷான் கொடமன்னே வெளியிட்டுள்ள அறிவிப்பில் புதிய விலைகள் தொடர்பான தகவல்கள் குறிப்பிடப்பட்டுள்ளன.
அதன்படி, ஒரு கிலோகிராம் பெரிய வெங்காயத்தின் விலை 10 ரூபாவால் குறைக்கப்பட்டு 309 ரூபாவாக நிர்ணயிக்கப்பட்டுள்ளது.
ஒரு கிலோகிராம் வெள்ளை சீனியின் விலை 4 ரூபாவால் குறைக்கப்பட்டு 245 ரூபாவாக விற்பனை செய்யப்படவுள்ளது.
சிவப்பு பருப்பின் விலையும் ஒரு கிலோகிராமுக்கு 2 ரூபாவால் குறைக்கப்பட்டு 242 ரூபாவாக நிர்ணயிக்கப்பட்டுள்ளது.
கோதுமை மாவின் விலை 5 ரூபாவால் குறைக்கப்பட்டு 174 ரூபாவாக மாற்றப்பட்டுள்ளது.
அதேபோல், சிவப்பு பச்சை அரிசியின் ஒரு கிலோகிராம் விலை 1 ரூபாவால் குறைக்கப்பட்டு 173 ரூபாவாகவும், வெள்ளை பச்சை அரிசியின் விலை 5 ரூபாவால் குறைக்கப்பட்டு 174 ரூபாவாகவும் நிர்ணயிக்கப்பட்டுள்ளது.
நாடு முழுவதும் புதிய விலைகள்
இந்த புதிய விலைகள் இன்று 26ஆம் திகதி முதல் நாடளாவிய ரீதியில் உள்ள அனைத்து லங்கா சதொச கிளைகளிலும் நடைமுறைக்கு வருகின்றன.
நுகர்வோருக்கு விலை நிவாரணத்தை வழங்குவதுடன், வறுமை ஒழிப்பு தொடர்பான தேசிய முயற்சிகளுக்கு ஆதரவளிக்கும் நோக்கத்திலும் இந்த விலை குறைப்பு மேற்கொள்ளப்பட்டுள்ளதாக லங்கா சதொச தெரிவித்துள்ளது.
இதன்படி, குறைக்கப்பட்ட விலையில் குறித்த ஆறு அத்தியாவசிய பொருட்களையும் நாடு முழுவதும் உள்ள சதொச விற்பனை நிலையங்களில் பொதுமக்கள் பெற்றுக்கொள்ள முடியும்.
